MASKUMAMBANG dan PRING WULUNG (GURIT BANYUMASAN)
MASKUMAMBANG
Kelek- kelek
Biyung sira aneng ngendi
Enggal tulungana
Anakmu kecemplung warih
Gelagepan wus meh pejah
Duhhhh....Gusti
Semanten
awratipun sesanggan gesang ikang kedah kula tampi
Kula namung
manungsa wantah ingkang mboten kuwawa ngadepi pacobaning agesang
Kula nyuwun
pangayoman
Kula
nyuwunkawelasan
Gusti
PRING WULUNG
Nadyan ireng
rupane
Nanging manis
sawangane
Nadyan gatel
lugute
Nanging kenceng
cekelane
Pring wulung
Kena kanggo tetulung
Maring wong sing lagi kecingkrangan
Lan sapa bae sing nandang
kacintrakan
Wujude ireng
Ning gedhe
pigunane
Kena kanggo
gawe plupuh uga suluh
Kena kanggo
gawe korsi sing edi tur peni
Pring wulung
Sedapur mung pirang ler
Kwe ngemu surasa “ wong urip aja
ninggal wewaler “
0 komentar:
Posting Komentar