JAKA LILUR KEBLINGER (GURIT BANYUMASAN)
Embuh wis
pirang tahun
Jeneng Jaka
Lilur ilang sekang pabaratan
Kayadene ilang
diuntal bumi
Tanpa tilas
Tanpa pepoyan
Jare kanca kenthele
Jaka Lilur niat garep mbuwang sial
Lunga separan-paran ninggal bumi
kelahirane
Sing rumangsa wes digawe kucem awit
sekang polahe
Lungane pancen nganggo sesideman
Ora ana sing weruh ....ora ana sing
ngerti
Lakune nasak
alas ri bebandhotan
Ngulon parane
Adoh.......adoh.......
tansaya..... adoh .
Gegrumbulan sek
kulone desa ilang sekang pandeleng
Atine pancen
wis gembleng
Ninggal lacak
sing tanpa tilas
Jagad sing gumelar jebul ora amba
Embuh wis pirang ndina...pirang
wulan
Ngone
ngetutna sikil adoh sekang ndangkane
Tanpa kinaya
Nang papan anyar malah ketemu bala
Ibarate tumbu olih tutup
Jaka Lilur sing
asale sekang ndesa
Di uja ngombe
bir sak katoge
Jare minangka
pakurmatan kanggo kanca lawas sing ora tau ketemu
Jaka lilur
mongkog atine keturutan senenge
Saya dina ......
Jaka lilur saya ndadra .....
Ora mung bir ...ramuan..... lan pil
koplo bae
Nanging candu lan sabu wis dadi
panganan saben ndinane
Awak sak kojur kebek tatto
Dada gambare naga
Gigir endas singa awake buta
Jan... Jaka Lilurrrr.....Jaka Lilur
.
Kocap kacarita
Jaka Lilur
sekiyen malik rupa
Raga sing
gemiyen pideksa
Siki mung gari
balung karo kulit
Mata nang aring
nggerongan raga mung gari cengkorongan
Ambegkane
nyendal-nyendal
Dhadha
mubal-mubal
Jaka Lilur tanpa daya
Dadi kembang amben sek lawase
Tangis ngaruara biyunge .....
Lilur......Lilur..........kon ....anak
sing tek dama-dama
Kena nggo njejegna jangkahku sing wes ora tumama
Jebulen malah kaya kiyen kedadeyane
Ujare ngakeh
Lilur kena HIV
Mula tangga
teparone ora ana sing gelem cawe-cawe
Mayite bae ora
olih dikubur nang aring ndesane
Duh...... kayangapa nlangsane biyunge
Lilur......Lilur...........
Garep tek gawa ngendi kiye ?????????.........
0 komentar:
Posting Komentar